ஹைக்கூ முயற்சி

தமிழ் பட்டறை குழுமம்

********************************************

ஐக்கூ வகைமை கவிதைப் போட்டி

28.11.16 முதல் 30.11.16 வரை

******************************************************

#1

நேற்றிரவு கொட்டியது  வானம்

காலையில் எட்டிப் பார்த்தது குடையொன்று  

# காளான்

#2

குத்திட்ட நேர் கொண்ட பார்வை

சீரறிவின் அடையாளமாய் குறுந்தாடி

# மலையாடு.

# 3

நீருண்ட மேகம் கனமாய் பொழிய

தேனுண்ட வண்டாய்  ..ஏப்பமிட்டது

# கடல்.

#4

மாற்றான் தோட்டத்து மல்லிகையை

மண்ணோடு மண்ணாக்க பெரு முயற்சி  

# பூச்சிக்கொல்லி.

#5

ஜல்லிக்கட்டை தள்ளி வைக்க தடபுடலாய்

மேலை நாட்டு மாநாட்டு  விருந்து பல்லிடுக்கில்

# மாட்டிறைச்சி.

# 6

கரும்பச்சை ஊசியிலை காட்டினிலே ஊடாடும்

இளஞ்சிவப்பில் நேர்த்தியான நெசவு

# இலையுதிர்க்காலம் .

கவிதை ஆக்கம்: ராஜி வாஞ்சி