கண்டாயோ கண்ணாலே - குறுந்தொகை#75

கண்டாயோ கண்ணாலே
கண்டவர் விண்டதை
விண்டு சொன்னாயோ எம்மிடம் 
கண்டவர் சொன்னதை
விண்டிருந்தால் கண்ணால்
கண்டவரை யாம்
 கண்டிடல் வேண்டும் இன்றே
வெண்டாமரைக் கொம்பு களிறு
மொண்டாடும் சோணையாறு
கொண்ட நல்லூரைக்
கொண்டிடுவாய் பரிசாக …

“நீகண் டனையோ கண்டார்க் கேட்டனையோ “குறுந்தொகைப் பாடலை அடிப்படையாகக் கொண்டு எழுதப்பட்டது.

எழுதியவர்: படுமரத்து மோசிகீரனார்

சூழல்:
தலைவன் வருகிறான் என்று பாணன் சொன்னதை நம்ப முடியாமல், ”நீ கண்டனையோ?, கண்டார்க் கேட்டனையோ?,யார்வாய்க் கேட்டனையோ? ” என்று கேட்டுத் தெளிவுபெற விரும்புகிறாள். நாங்கள் உண்மையை அறிய விரும்புகிறோம். நீ சொல்வாயாக;சொன்னால், வெண்மையான கொம்பையுடைய யானைகள் சோணையாற்றில் மூழ்கி விளையாடும், பொன்மிகுந்த பாடலிபுத்திர நகரத்தைப் பெறுவாயாக.

#75.குறுந்தொகை

நீகண் டனையோ கண்டார்க் கேட்டனையோ
ஒன்று தெளிய நசையினம் மொழிமோ
வெண்கோட் டியானை சோணை படியும்
பொன்மலி பாடலி பெறீஇயர்
யார்வாய்க் கேட்டனை காதலர் வரவே.

நன்றி : முனைவர். பிரபாகரன்
Nallakurunthogai.blogspot.com