சென்ரியு கவிதை - 21-10-2016

#தமிழமுது_கவிச்சாரல்_குழுமம்  21-10-16  #சென்ரியு கவிதை

#தலைப்பு_(நகைப்புக்குரியதாகும்) #நாகரீகம்

#1.)

இளைய சமுதாயத்தின்

மாதாந்திர பட்டியலில்

தலைச் சாயம்

#2.)

உச்சி முதல் கால்வரை

உலகத்தர பூச்சுக்கள்

மின்தூக்கியில் வியர்வை மயக்கம்

#3)

ஆடம்பர மாளிகையில்

நிம்மதியாய் தூக்கத்தில்

காவலாளி

#4)

சிரித்த முக

வரவேற்பாளர்

சிடுமூஞ்சி வீட்டில்

#5)

கல்யாணசாப்பாடு

வரவேற்பு விருந்தாச்சு

கடற்கரையில் ஓடுவோர் கூட்டம்

#6)

நீர் பங்கீடு

சமமாய் சரியாய்

சாராயக் கடையில்

#7)

ஓடும் மின் வண்டியில்

அடுப்பு கேட்டு பெண்கள்

போராட்டம்

#8)

பத்து வருட பரிதவிப்பில்

பிறந்த பிள்ளை

தவழுது பாலர் பள்ளியில்

#9)

அடையாளம் தேடி ..

ஆலாய் பறக்கின்றார்

முகத்தில் பல வண்ண முகமூடி

#10)

அடுக்குமாடி குடியிருப்பு

ஆயிரம் வாசல்

அதிசய அமைதி

#11)

அவசரத் தேவைக்கு

அணுக கதவில்லா

அடுத்த வீடு

#12)
ஆட்டம் பாட்டம்

கொண்டாட்டம் அன்றாடம்

நாட்டமில்லை வாழ்வில்

#13)

தலைக்கு மேல் தகவல்கள்

தாராள தொழில் நுட்பம்

மௌன மொழி வீட்டில்

ராஜி வாஞ்சி