கனடா வானொலி கவிதைகள் டிசம்பர் 2016

# 1 அற்புதங்கள்

********************

அற்புதங்கள்

அனைத்தையும்

அழகான கவிதையாக்க முடியாது

அதில் ஒன்று பனிப்பொழிவு

இன்னொன்று காதல்

#2 மை தீட்டும்  நேரம்  

******************************

மை தீட்டும் நேரம்  ..உன் விழிக்கு

சாயம் தீட்டினாயா  ?... இல்லை  

மாயம் தீட்டினாயோ ..

காயப்பட்ட இதயம்

ஓயாமல் உன் விழி

மோதவே விரும்புதே?

#3  நிறம் மாறும்  மரங்கள்

************************************

நீ சாய்ந்து நின்ற பக்கத்தில்

நிறம் மாறிய இலைகள் ..

இளம்சிவப்பாய் ..செம்மையாய்

உன் கன்னத்தின் கதிர் வீச்சோ?

#4  என்ன நான் செய்ய வேண்டும்?

********************************************

உன்னை கவிதையாக்க ..

வண்ண வண்ண

வார்த்தைகள் கோர்த்து

தோற்றுவிட்டேனடி

ஏற்றுக்கொண்டது உலகம்

என்னை கவிஞனாக

உன்னை நான் கவிதையாக்க

என்ன நான் செய்ய வேண்டும்?

# 5 பனிப்பாலைவனத்தில் ..

*********************************

பனி படர்ந்த பாலைவன சோலையிலே

தனித்த .கருநாக சாலையிலே ..

இனிய இசையோடு பயணம்

மணித்துளிகள் நகரவில்லை

இணைந்த இதயங்கள்

#6 வசந்தமாக நீ

****************************

வாரியிறைத்த

வண்ணமலர்

கூட்டமாய்

வசந்தமாய்

நீ என் வாழ்வில் வந்தாய் …

சிறு கோபம் காட்டி

வேனிற்காலம் காட்டினாய் ..

விலகி ஓடினாய் ..

இலையுதிர் காலமாய் நான் ..

உறைய வைக்காதே - குளிர்

நிறை பனிக்காலமாய் ..

# 7 கீற்றிடை..மின்னல்..

***************************

தென்னங்கீற்றிடை ..

               மின்னல்……. உன்கண்கள்.

சன்னக்  காற்றிடை ….தென்றல் உன்

         ஜன்னல் நோக்கையிலே …

#8 கண்ணாமூச்சி

*********************************

கணினி முன் ..

கனிந்து ஓடி வரும் கவிதை - உன்

கண்கள் முன்

கண்ணாமூச்சி ஆடுவது ஏன் ?