முகமூடி

அடையாளம் தேடி அலையும் 
ஆர்ப்பாட்டம் அகிலத்தில் ஏராளம்
அடையாளம் மறைக்கும்
அவலம் அதற்கு மேல் தாராளம்

கிடைத்த வாழ்வை கீழே போட்டு
மடுவுக்கும் மலைக்கும் .
இடைவெளி கணக்கிட்டு
தடுமாறி பிணக்கிட்டு மாளும்
கிடைக் கூட்டம்.

விடைக்கு போவதெங்கே?
முகமூடிக் கூட்டமே ..முழுமையாய்
நடையாடும் நாட்டினிலே

சுவைமடை நீரென
சாக்கடையில் வீழும் சாபங்கள்
போக்கிடம் இல்லா தாபங்கள் ..
காப்பிடம் எனும் களங்களில்
காறித் துப்ப கதைகள் ஆயிரம்

சேரியிலும் உண்டு முகமூடி
சேர்மானம் சரியின்றி
வருமான வாய்ப்புக்கு

பெரிய இடத்து முகமூடியிலோ
 கரிய நிறம் அதிகமுண்டு
உரிய பொருளின் உடமைக்கு
உரிய போராட்டம்
அரிய பொருளுக்கு ஐம்புலனுண்டு
ஆறறிவுண்டு அதற்கு பெயர்களுண்டு
மனைவியென்று மகளென்று மகனென்று

வினைப்பெருக்கிற்கு குறைவில்லை - பல
பனையுயரம் அதுவுண்டு
மனைமாட்சி மக்கள் நலம்
அனைத்தும் அன்பு அறன்
கனைத்து வரும் வார்த்தை ஜாலம்

முனுசாமி கடை முகமூடியில்
தினுசுக்கு ஒன்றாய் நிறமிருக்கும்
மனுசப்பய முகமூடியில்
நிமிசத்துக்கு ஒரு நிறமிருக்கும்