தேடி வந்தான் ...குறுந்தொகை #3

தேடி வந்தான் ...தெரு அடங்கிய பின்

வாடியவளின்   ..வாட்டம் தீர்க்க ..

வஞ்சியவள் காணும் முன்னே

தோழி அவனை கண்டு விட்டாள்

நோட்டம் விட்ட தோழி - ஒரு

பாட்டம் குறை கூறி

நின்றாள் தலைவியிடம் :

உன்றன் உள்ளம் கவர் கள்வன்   

நோக்கம் தெளிவில்லை - மனப்  

போக்கும்  சரியில்லை..

குறிஞ்சி பூத்த வேலியோராம்

நெருஞ்சி முள் நெஞ்சில் தைக்க

மருகி நின்றான் - மனம்

கருகி வெந்தான் ..

தாக்குதலை ஏற்ற தலைவி - பழி

நீக்க வந்தாள் ..

ஓடி மிதக்கும் பூமியை விட

கோடி முறை பெரியது

ஓங்கி உயர்ந்த வானமே

ஏங்குமளவு உயர்ந்தது

ஆழ்கடலை சிறு

நுரை குளமாக்கும்

எங்கள் நட்பு

வேலியோர

நெருஞ்சி முள்

நொறுங்கியது

குறிஞ்சி பூத்து

குலுங்கியது ..

* “நிலத்தினும் பெரிதே “ என்ற குறுந்தொகை பாடலை  அடிப்படையாக கொண்டு எழுதியது. ( எழுதியவர் : தேவகுலத்தார்

நன்றி:முனைவர். பிரபாகரன்

nallakurunthogai.blogspot.com